As Staring nog onder ons was ebleem
Had hee vast een gedicht eschreem
Elk weet waor ’t Almens karkje steet
En dat weg langs de Centerrr geet

15 september 2011 was ut dan zover
De buurtsuper wed eindelijk een feit
Noe 15 jaor later is ut feest
Vol met priezn, kotting en activiteit

’t Was op een donderdagaomd
Zo’n mooie naozommedag as noe
Ut hele darp was op de been
En kwam naor de opening toe

Iederene was vol spanning en beniejd
Op wat zo komm geet
Dan begint Juliana te spöln
‘Bun zo blie dat Almen besteet’

Langzaam gaot de deurn lös
Ut orkest geet de optocht veur
Een lange rieje durachteran
In polonaise de nieje winkel deur

Brood van Dick ten Broeke
Greunte, keze, kattebrokkn, bier
koffie, botter, soda, bloemm
Zelfs de krante hebt ze hier

Weer een supermarkt in Almen
Dat was één van de grootste wensn
De boodschappn dichtbie huus
En ie ontmoet ok nog andere mensn

Wat vieftien jaor geleedn begon as Attent
wed Superrrr, met drie RRR eschreem
Noe is ’t alweer een tiedje Centerrr
De drie RRR bunt ebleem

Een R van Retail en van Re-integratie
En een R van Relatie in de breedste zin
Of ie een Almenaar bunt of toerist
Iederene löp graag de winkel in

Breng ie een pak naor de stomerieje
Koop ie enkel een rolle beschuut
Veur iederene is dur een grapje
Ie gaot met een glimlach de winkel uut

Zes daang in de wekke staot ze klaor
Deur Miranda met passie annestuurd
Almen, wat boft wiele toch
Met de Centerrr in de buurt!